კატეგორია: სპორტი 2017-12-08
აშშ-ს ქალთა ეროვნული ნაკრების ყოფილმა მეკარემ ჰოუპ სოლომ განაცხადა, რომ მიიღებეს მონაწილეობას ქვეყნის საფეხბურთო ფედერაციის (US Soccer) პრეზიდენტის არჩევნებში. ამის შესახებ მან თავის Facebook-ის გვერდზე დაწერა.
სოლომ თავისი საარჩევნო პროგრამა გამოაქვეყნა, რომელიც ოთხი ძირითადი პრიორიტეტისგან შედგება.
სოლოს პროგრამის მიხედვით, ამერიკული ფეხბურთის განვითარებისთვის შეიქმნება ძირითადი საფეხბურთო ცენტრი, უზრუნველყოფილი იქნება მოსახლეობის ყველა სეგმენტის ჩართულობა, ქალთა უფლებების უპრეცენდენტო დაცვა და ფედერაციის ფინანსური მენეჯმენტის გამჭვირვალობა.
„ფეხბურთი ვერ განვითარდება პროგრესის გარეშე და ამის მთავარი არსი ახალგაზრდული ფეხბურთის განვითარებაა. მე ზუსტად ვიცი, რა სჭირდებათ დღეს ფეხბურთელებს აშშ-ში და როგორ მივაღწიოთ ამას. მე გამაჩნია იმის ძალა, რომ გავაკეთო ეს ყველაფერი“- წერს სოლო.
36 წლის სოლო არის ორგზის ოლიმპიური ჩემპიონი და 2015 წლის მსოფლიო ჩემპიონი. გარდა ამისა, ის ორჯერ დასახელდა მსოფლიო ჩემპიონატის საუკეთესო მეკარედ და ერთხელ ამერიკის ფეხბურთის წლის ფეხბურთელად.
სოლო ასევე აქტიურად იცავს ქალი ფეხბურთელების უფლებებს. კამპანიის #MeToo-ს ფარგლებში სოლომ დაადანაშაულა ყოფილი ფეხბურთის ფედერაციის პრეზიდენტი, ზეპ ბლატერი სექსუალურ შევიწროვებაში და განაცხადა, რომ შემთხვევა 2013 წელს ოქროს ბურთის დაჯილდოვების ცერემონიაზე მოხდა.
|