კატეგორია: სპორტი 2018-02-01
49 წლის ავსტრალიელი მთამსვლელი, ადელაიდიდან ქეით სარა (Katie Sarah) სამი მცირეწლოვანი ბავშვის დედა, გახდა პირველი ქალი, რომელმაც დაიპყრო 7 კონტინენტის შვიდი უმაღლესი მწვერვალი და შვიდი ვულკანი.
მთამსვლელებში ამ ამოცანას "SEVEN-SEVEN" ("შვიდი- შვიდი") უწოდებენ. აღსანიშნავია, რომ ამ ამოცანის შესრულება მხოლოდ შვიდმა მამაკაცმა შეძლო, ქეითი ამ სიაში მერვე მთამსვლელი და პირველი ქალია. ამ წარმატებისკენ ის 10 წელი მიდიოდა.
"SEVEN-SEVEN"-ის პროგრამის შესრულება მან 2018 წლის 14 იანვარს დაამთავრა, როდესაც სიდლეის მწვერვალი დაიპყრო. სიდლეი ანტარქტიდის უმაღლესი ვულკანია და მისი სიმაღლე 4181 მეტრს შეადგენს.
|