კატეგორია: გენდერი კავკასიაში 2018-02-08
6 თებერვალს მარნეულის მუნიციპალიტეტის საკრებულოს
სხდომა გაიმართა. სხდომაზე განსახილველი ერთ-ერთი საკითხი მუნიციპალიტეტში
გენდერული საბჭოს შექმნას ეხებოდა. ამის შესახებ ინფორმაცია რადიო „მარნეულმა“ გაავრცელა.
შედეგად შეიქმნა საკრებულოს გენდერული თანასწორობის
საბჭო და დამტკიცდა საბჭოს დებულება.
ინფორმაციის თანახმად საბჭოს ხელმძღვანელად
მარნეულის მუნიციპალიტეტის საკრებულოს თავმჯდომარე ამირან გიორგაძე აირჩიეს. საბჭოს
შემადგენლობაში კი მუნიციპალიტეტის საკრებულოს წევრები, მერიისა და
არასამთავრობო ორგანიზაციის წარმომადგენლები შევიდნენ.
„უახლოეს დღეებში ჩვენ გვექნება შეკრება და
დავსახავთ გეგმებს თუ როგორ უნდა გავაგრძელოთ შემდგომში საქმიანობა“- განაცხადა
საკრებულოს თავმჯდომარემ ამირან გიორგაძემ.
როგორც სობჭოს წევრმა, არასამთავრობო ორგანიზაცია
„მარნეულის დემოკრატ ქალთა საზოგადოების“ წარმომადგენელმა ნონა სამხარაძემ
განაცხადა, გენდერულმა სობჭომ ხელი უნდა შეუწყოს მოსახლეობის მაქსიმალურ
ჩართულობას მუნიციპალურ პროგრამებში, ისეთი პრობლების პრევენციას, როგორიცაა
ადრეული ქორწინება.
ნონა სამხარაძის თქმით გენდერულმა საბჭომ ასევე უნდა
უფრო ეფექტიანად გამოიყენოს ისეთი რესურსი, როგორიცაა ქალთა ოთახი. მისი თქმით,
ოთახს უფრო მეტი დატვირთვა და კონკრეტული სამუშაო გეგმა უნდა ჰქონდეს. |