ძალადობა ოჯახში, ათეულობით მოკლული ქალი და საზოგადოების გულგრილობა, გენდერული ნიშნით მკვლელობის შეფასება და ბერკეტები ქალთა მიმართ ჩადენილი ძალადობის პრევენციისთვის სახელმწიფოში, სავალდებულო გენდერული კვოტირება - ეს იყო ის საკითხები, რომელიც ტელეკომპანია კავკასიის გადაცემაში „ბარიერი“ცხარე დებადების ფონზე მიმდინარეობდა და ქალ რესპონდენდების მიმართ სექსისტურ ხასიათს ატარებდა.
გადაცემაში ქალთა საინფორმაციო ცენტრის დირექტორმა ელენე რუსეცკაიამ, ადვოკატმა ნინო ბოლქვაძემ, იურისტმა გიორგი მელაძემ და პოლიტიკური ცენტრის „გირჩის“ წევრმა იაგო ხვიჩიამ მიიღეს მონაწილეობა.
პოლიტიკური ცენტრის „გირჩის“ წევრმა იაგო ხვიჩიამ არაერთხელ გამოიყენა სექსისტური გამონათქვამები ქალ უფლებადამცველების მიმართ, რომლებიც ქალთა მიმართ ძალადობის წახალისების ნიშნებსაც შეიცავდა: „წყალი დალიეთ, დაწყნარდით....არ გაბედოთ შემაწყვეტინოთ...თქვენი ქალობა, როგორ უნდა შევამჩნიო მე... ოჯახში ძალადობის კანონის გამკაცრება ეს ცალკე ბოდვაა...ეს კანონი თქვენნაირების შეტანილია...საერთოდ რამეში გაქვთ კვალიფიკაცია და ა.შ“.
იაგო ხვიჩია ასევე ისაუბრა გენდერული კვოტირების კანონპროექტზე და აღნიშნა: „...კვოტირება ქალების შეურაცხყოფაა, როდესაც მათ სადმე მოსახვედრად არა გონებით და აზროვნებით, არამედ კვოტით არჩევენ.... არ უნდა დავუშვათ, ვინმემ თქვას, რომ ეს კვოტით მოხვდა პარლამენტში, თორემ თავისით კი ვერ მოხვდებოდა. ამით ქალებისთვისვე ვიზამთ უარესს...“.
