საუდის არაბეთში სოციალური პროგრამების რეფორმა „Vision 2030“ მიმდინარეობს, რომელმაც უკვე სამეფოს შეიარაღებულ ძალებშიც შეაღწია. ამ რეფორმის ფარგლებში, საუდის არაბეთში ქალებს, ჯარისკაცის რანგში, ჯარში მსახურობის უფლება მისცეს.
ამის შესახებ ინფორმაციას ქვეყნის გენერალური უსაფრთხოების დეპარტამენტი ავრცელებს.
ჯარში წასვლის მსურველები თორმეტ მოთხოვნას უნდა აკმაყოფილებდნენ. „ქალები უნდა იყვნენ სამეფოს მოქალაქეები, 25-35 წლამდე ასაკის, უნდა ჰქონდეთ საშუალო განათლება და გაიარონ სამედიცინო გამოკვლევები", - ნათქვამია განცხადებაში.
ქალები, რომლებიც უცხოელებზე არიან დაქორწინებულები და იყვნენ ნასამართლევები, ჯარში არ მიიღებიან.
ეს ნაბიჯი არის პრინც მოჰამედ ბინ სალმანის ახალი პოლიტიკის ნაწილი, რომელიც მიზნად ისახავს ქალთა ჩართულობის გაზრდას სახელმწიფოს საზოგადოებრივ ცხოვრებაში.
ამ პოლიტიკის ფარგლებში ქალებს უკვე მიეცათ მანქანის ტარების, საფეხბურთო მატჩებზე ყოფნის, გამომძიებლებად მუშაობისა და საკუთარი ბიზნესის გახსნის უფლება.