ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე მთავარი პროკურორის მოადგილე გიორგი გაბიტაშვილი სახალხო დამცველის რეკომენდაციების შესრულების ანგარიში წარადგინა.
მისი თქმით, ოჯახში დანაშაულების ფაქტებზე, 2017 წელს, სისხლის სამართლებრივი დევნა დაიწყო 1986 პირის მიმართ.
„20017 წელს, პროკურატურის მიერ პატიმრობა მოთხოვნილი იყო ოჯახური დანაშაულის ჩამდენ პირთა 83%-ის მიმართ, აქედან დაკმაყოფილდა 58%. დაიკლო საპროცესო შეთანხმებების გაფორმების მაჩვენებელმა ოჯახური დანაშაულების ჩამდენი პირების მიმართ“, - განაცხადა გაბიტაშვილმა.
შინაგან საქმეთა სამინისტროს სტატისტიკის თანახმად 2017 წელს ოჯახში ფსიქოლოგიური ძალადობის 4176 და სექსუალური ნიადაგზე ძალადობის 9 შემთხვევა დაფიქსირდა.
სტატისტიკის თანახმად, გასულ წელს ოჯახში ფსიქოლოგიური ძალადობის 4176 შემთხვევა დაფიქსირდა, ფიზიკური ძალადობის - 990, ეკონომიკური ძალადობის - 143, იძულების - 97, ხოლო უგულებელყოფის 24 შემთხვევა დაფიქსირდა.
შსს-ს სტატისტიკის თანახმად, ოჯახში ძალადობის ყველაზე მცირე შემთხვევა სექსუალურ ნიადაგზე განხორციელებული ძალადობაა. 9 შემთხვევიდან 3-3 თბილისსა და ბათუმში, 2 კახეთში, ხოლო ერთი შემთხვევა იმერეთში დაფიქსირდა.