კანადის პრემიერ-მინისტრმა ჯასტინ ტრუდომ ქვეყნის ფედერალური პოლიციის (კანადის სამეფო საცხენოსნო პოლიცია) ხელმძღვანელად ქალი პირველად დანიშნა. პოლიციას ბოლო წლების განმავლობაში ხშირად აკრიტიკებენ დისკრიმინაციისა და სექსუალური ძალადობის ფაქტების გამო.
ბრენდა ლაქი პოლიციაში 1986 წლიდან მუშაობს. ის მსახურობდა სამშვიდობო ძალებში, ყოფილ იუგოსლავიაში და ასევე, წვრთნიდა პოლიციელებს გაეროს მისიისთვის ჰაიტიზე.
ლაქი დაჯილდოებულია გაეროს მედლით მამაცობისთვის.
ის სამსახურებრივი მოვალეობის შესრულებას აპრილის შუა რიცხვებიდან დაიწყებს.
კანადის პოლიციას ქალი 2006 წლის დეკემბრიდან 2007 წლის ივლისამდეც ხელმძღვანელობდა. ის ბევერლი ბიუსონი იყო, რომელიც ამ თანამდებობაზე მხოლოდ მოვალეობას ასრულებდა.