კატეგორია: მოვლენები 2018-03-14
საზოგადოებრივი მაუწყებლის სამეურვეო საბჭოს წევრთა შესარჩევმა კომისიამ მეურვეობის მსურველი 14 კანდიდატიდან 12 შეარჩია და სია პარლამენტს გადაუგზავნა. კანდიდატებმა კომისიის წინაშე საკუთარი პრეზენტაციები წარადგინეს და კომისიის წევრთა კითხვებს უპასუხეს.
პროცედურის თანახმად, 12 კანდიდატიდან საბოლოოდ პარლამენტი მაუწყებლის ოთხ მეურვეს აირჩევს. სამეურვეო საბჭოში ოთხი ვაკანტური თანამდებობაა, საქართველოს კანონმდებლობით, საკონკურსო კომისიამ თითო ვაკანტურ თანამდებობაზე სამი პირი უნდა წარადგინოს.
სამეურვეო საბჭოს წევრთა შესარჩევმა კომისია 14 კანდიდატს გაესაუბრა.
საკონკურსო კომისიის შეფასებები:
1. ნინია კაკაბაძე - 9 ხმა; 2. ია მამალაძე - 9 ხმა; 3.ზვიად დევდარიანი - 7 ხმა; 4. ბესიკ ლილუაშვილი - 7 ხმა; 5. იზაბელა ოსიპოვა - 7 ხმა; 6. დოდო შონავა - 7 ხმა; 7. ბაია პატარაია - 6 ხმა; 8. ზაზა შათირიშვილი - 6 ხმა; 9. მალხაზ ასლამაზიშვილი - 5 ხმა; 10. ნათია სირაბიძე - 5 ხმა; 11. ნათია კობერიძე - 5 ხმა; 12. ხატია ყურაშვილი - 5 ხმა; 13. ვლადიმერ ბოჟაძე - 2 ხმა; 14. დავით კორახაშვილი - 0 ხმა.
კანდიდატთა საბოლოო სიას საქართველოს პარლამენტი გამოაქვეყნებს. მაუწყებლის სამეურვეო საბჭოს განახლება დღის წესრიგში მას შემდეგ დადგა, რაც უფლებამოსილების ბოლო ეტაპზე გადავიდნენ გრიგოლ გოგელია, მარინა მუსხელიშვილი და გიორგი კოხრეიძე. ხოლო სამეურვეო საბჭოდან საკუთარი სურვილით წავიდა საიას თავმჯდომარე სულხან სალაძე.
|