კატეგორია: მოვლენები 
2018-03-15
უკრაინის გენერალური პროკურორი იური ლუცენკო დეპუტატ ნადეჟდა სავჩენკოს დაპატიმრებას აპირებს და პარლამენტში ტერაქტის მოწყობის დაგეგმვაში ადანაშაულებს.
„გამოძიებას აქვს უტყუარი მტკიცებულება იმისა, რომ უკრაინელი დეპუტატი ნადეჟდა სავჩენკო პირადად გეგმავდა, პირადად აძლევდა ბრძანებებს საბრძოლო ყუმბარების გამოყენებით პარლამენტის დარბაზში ტერორისტული აქტის მოწყობის შესახებ. ისინი სამთავრობო და თანამდებობრივი ლოჟის აფეთქებას, ნაღმტყორცნების საშუალებით პარლამენტის შენობის გუმბათის ჩამოშლას, გადარჩენილი ადამიანების მიმართულებით კი ავტომატებიდან ცეცხლის გახსნას გეგმავდნენ“, - განაცხადა ლუცენკომ პარლამენტის სხდომაზე სიტყვით გამოსვლისას.
მისივე თქმით, დღეს ის პარლამენტს სავჩენკოსთვის დეპუტატის ხელშეუხებლობის მოხსნის თხოვნით მიმართავს.
„დღეს მე, როგორც უკრაინის გენერალური პროკურორი, შევიტან პარლამენტში წარდგენას ნადეჟდა სავჩენკოს სისხლის სამართლის პასუხისგებაში მიცემაზე, დაკავებაზე და დაპატიმრებაზე“, - დასძინა ლუცენკომ.
2014 წლის ნეომრბიდან ნადეჟდა სავჩენკო უკრაინის უმაღლესი რადის მერვე მოწვევის დეპუტატია პარტია „ბატკივშინადან“.
2014 წლის 25 დეკემბრიდან ის ასევე ევროპის საპარლამენტო ასამბლეის უკრაინის დელეგაციის წევრია. 2015 წელს საცჩენკოს უკრაინის გმირის წოდება მიენიჭა.
დონბასში ნადეჟდა სავჩენკო აიდარის ბატალიონში იბრძოდა. 2014 წლის 17 ივნისს სავჩენკო რუსმა ბოევიკებმა დააკავეს. რუსულმა მხარემ ის ორი რუსი ჟურნალისტის მკვლელობაში დაადანაშუალა და დონეცკის საქალაქო სასამართლომ მას 22-წლიანი პატიმრობა მიუსაჯა.
2014 წლის 13 დეკემბერს ნადეჟდა სავჩენკომ უკანონო პატიმრობის გასაპროტესტებლად შიმშილობა გამოაცხადა.
სავჩენკო 100 დღის განმავლობაში შიმშილობდა და ამის მიუხედავად წუთითაც არ უღალატია საკუთარი პრინციპებისთვის.
მსოფლიოს სხვადასხვა ქალაქში მის მხარდასაჭერად ფართომასშტაბიანია აქციები იმართებოდა.
2016 წლის 25 მაისს სავჩენკო რუსეთის პრეზიდენტმა ვლადიმერ პუტინმა შეიწყალა.
|
