კატეგორია: ტრეფიკინგი 2018-03-20
რომის პაპმა ფრანცისკემ ვატიკანში 4 საათიანი შეხვედრა გამართა, რომელსაც 300-მდე ახალგაზრდა დაესწრო.
პონტიფიკმა, რომელიც აქტიურად არის ჩართული ადამიანით ვაჭრობისა და სექსუალური ექსპლუატაციის წინააღმდეგ ბრძოლაში, მოუწოდა ახალგაზრდებს ასევე ჩაერთონ ამ პროცესში.
"ეს არის ნამდვილი ბრძოლა და მე გთხოვთ, ყველაფერი გააკეთოთ ქალების ღირსების დასაცავათ“ - განაცხადა მან.
შეხვედრის დროს 81 წლის რომის პაპმა განსაკუთრებული ყურადღება დაუთმო იძულებითი პროსტიტუციის საკითხს და აღნიშნა, რომ კაცები, რომლებიც ფასიანი სექს– მომსახურეობით სარგებლობენ, არიან კრიმინალები "ავადმყოფური მენტალიტეტით“.
„ვინც ამას აკეთებს [იყენებს პროსტიტუციას] კრიმინალია. ეს არ არის სექსი სიყვარულით, ესაა ქალის წამება. მოდი, ნუ ავურევთ ტერმინებს. მე მინდა შენდობა ვითხოვო თქვენთვის, საზოგადოებისთვის და ყველა იმ კათოლიკესთვის, ვინც ამ კრიმინალს სჩადის. ამ ქცევის ძირითადი მიზეზი ავადმყოფური მენტალიტეტია, ნაკარნახევი იმით, რომ ქალი უნდა გამოიყენონ, როგორც ნივთი.“– განაცხადა რომის პაპმა
|