კატეგორია: მოვლენები 2018-03-22
2018 წლის 14 მარტს, რიო დე ჟანეიროში მოკლეს ბრაზილიელი ფემინისტი, სოციოლოგი, ოპოზიციური პარტიის წევრი, ქალაქის მრჩეველი მარიელ ფრანკუ.
უფლებადამცველის მკვლელობამ ბრაზილიის სხვადასხვა ქალაქებში დიდი საპროტესტო ტალღა გამოიწვია. ფრანკუს სიკვდილის შემდეგ ათეულობით პოლიტიკური აქცია ჩატარდა.
უმსხვილესი დემონსტრაცია 21 მარტს შედგა და მასში ათასობით ადამიანი მონაწილეობდა. დემონსტრანტებმა ფრანკუს სიკვდილში ხელისუფლება და პოლიცია დაადანაშაულეს.
გამოცემა Folha de S. Paolo- ის ცნობით, 21 მარტს, უფლებადამცველის ოჯახს რომის პაპი დაუკავშირდა. საერთაშორისო ორგანიზაციებმა Human Rights Watch- მა და Amnesty International- მა ასევე დაგმეს ეს მკვლელობა.
მარიელ ფრანკუ, "სოციალიზმისა და თავისუფლების“ პარტიის წარმომადგენელი და რიო დე ჟანეიროს მუნიციპალიტეტის საკრებულოს წევრი იყო. ის აქტიურად იცავდა ქალთა და ლგბტ-ების უფლებებს. მან სასტიკად გააკრიტიკა ბრაზილიის კონგრესის გადაწყვეტილება, რომლის მიხედვით, ორგანიზებული დანაშაულის წინააღმდეგ ბრძოლის მიზნით რიო დე ჟანეიროს შტატში ჯარების შეყვანა იყო გადაწყვეტილი.
|