რეჟისორ მარიამ ხაჭვანის პირველი სრულმეტრაჟიანი ნამუშევარი „დედე“ ამჯერად პეკინის საერთაშორისო კინოფესტივალზე მოხვდა. ფილმი მთავარი კონკურსის Tinatin Award-ზეა წარდგენილი.
ფესტივალის ჟიურის წევრი არის ცნობილი რეჟისორი Ruben ÖSTLUND, რომელმაც გასულ წელს ოქროს პალმის რტო მოიპოვა ფილმით „კვადრატი“. ასევე, ცნობილია მისი წინა ფილმი „ფორსმაჟორი“.
ფესტივალი 15-22 აპრილს გაიმართება.
ფილმი სვან გოგონაზე მოგვითხრობს, რომელიც სიყვარულისთვის იბრძვის და იმარჯვებს კიდეც. „დედეს” გადაღებები სვანეთში, ყაზბეგსა და კასპში მიმდინარეობდა. ფილმის უმეტესი ნაწილი სვანურ ენაზეა.
მთავარი როლის შემსრულებლები: ნათია ვიბლიანი და გიორგი ბაბლუანი.
ფილმის რეჟისიორი: მარიამ ხაჭვანი
მარიამ ხაჭვანი წელს ოფიციალურად იქნება კანისა და ლოკარნოს კინოფესტივალზე მიწვეული მისი ახალი "ნენე"–ს სცენარით.
ფილმი "დედე"(პროდუსერი:ვლადიმერ კაჭარავა), რომელმაც ათი საერთაშორისო პრიზი მოიპოვა, ათამდე საერთაშორისო ფესტივალზე არის მიწვეული. ფილმი შვიდ ქვეყანაში გამოვა კინოგაქირავებაში.
