Категория: События 
2018-04-17
არასამთავრობო ორგანიზაცია სიდას გამგეობის წევრებისაგან შემდგარმა კომისიამ, აღმასრულებელ დირექტორად „სიდას“ კორპორაციული პასუხისმგებლობის მიმართულების ხელმძღვანელი, სალომე ზურაბიშვილი შეარჩია. ორგანიზაციის წესდების მიხედვით, გამგეობის მიერ დანიშნული აღმასრულებელი დირექტორი, ორგანიზაციას 4 წლის ვადით უხელმძღვანელებს. ინფორმაციას ამის შესახებ სიდა ავრცელებს.
დირექტორის შერჩევის ღია კონკურსი, რომელიც ყოფილი აღმასრულებელი დირექტორის ზვიად დევდარიანის გადადგომის შემდეგ, ორგანიზაციის გამგეობამ დანიშნა, 3 კვირის განმავლობაში გრძელდებოდა და მასში ოცდაათამდე კანდიდატმა მიიღო მონაწილეობა. მეორე ტურში, ინდივიდუალურ გასაუბრებებში მონაწილეობისთვის შეირჩა 5 კანდიდატი. გასაუბრებების შემდეგ კი, გამგეობამ საკუთარი არჩევანი სალომე ზურაბიშვილზე შეაჩერა.
საკონკურსო პროცესში, „სიდას“ გამგეობის წევრებთან ერთად, სათათბირო ხმის უფლებით მონაწილეობდნენ ორგანიზაციის პარტნიორი დონორი ორგანიზაციების: „გაეროს ქალთა ორგანიზაციისა“ და „აღმოსავლეთ-დასავლეთის მართვის ინსტიტუტის“ წარმომადგენლებიც.
სალომე ზურაბიშვილი ორგანიზაციაში 2015 წლის აგვისტოდან მუშაობს. ის ხელმძღვანელობდა სიდას პროექტებს, რომლებიც მიმართულია საქართველოში კორპორაციული პასუხისმგებლობის განვითარებისკენ. ის ასევე აქტიურად მონაწილეობდა ორგანიზაციისთვის ფონდების მოძიების პროცესში.
მის სპეციალობის სფეროს წარმოადგენს კორპორაციული პასუხისმგებლობა, ადამიანის უფლებები და საერთაშორისო სამართალი.
სალომე ზურაბიშვილმა მაგისტრის ხარისხი საერთაშორისო ადამიანის უფლებებსა და შრომის უფლებებში მიიღო ლუნდის უნივერსიტეტში, შვედეთში, ხოლო ბაკალავრის ხარისხი სამართალმცოდნეობის მიმართულებით ქართულ - ამერიკულ უნივერსიტეტში, საქართველოში.
„სიდა“-მდე ის მუშობდა როგორც საჯარო სექტორში, ასევე საერთაშორისო ორგანიზაციაში ადამიანის უფლებების მიმართულებით.
|
