კატეგორია: მოვლენები 
2018-04-20
სახალხო დამცველმა, ნინო ლომჯარიამ შეზღუდული შესაძლებლობის მქონე პირთა დასაქმების ხელშემწყობი სახელმწიფო პროგრამების მონიტორინგის ანგარიში წარადგინა.
ნინო ლომჯარიას თქმით, საჯარო სექტორში შშმ პირებიდან, მხოლოდ 55 ადამიანია დასაქმებული. ამის შესახებ Rustavi2 წერს
„დასაქმება საჯარო სექტორში, დაახლოებით 46 ათასი დასაქმებულიდან მხოლოდ 55 შშმ პირია დასაქმებული საჯარო სექტორში. უკიდურესად მწირია კერძო სექტორში დასაქმებულ შშმ პირთა რაოდენობრივი მაჩვენებელიც, კერძოდ, დასაქმების ხელშეწყობის სახელმწიფო პროგრამების ფარგლებში დასაქმებულ შშმ პირთა რაოდენობა 2017 წელს მხოლოდ 101 შეადგენდა,“-აცხადებს ომბუდსმენი.
ანგარიშში აღნიშნულია, რომ ქვეყნის შიდა კანონმდებლობით და სტრატეგიული დოკუმენტებით გათვალისწინებული დებულებები საკმაოდ ზოგადი და დეკლარაციული ხასიათისაა, რაც თავის მხრივ აფერხებს მათ ეფექტიან იმპლემენტაციასა და მონიტორინგს. ამასთან, სახელმწიფო პროგრამების ღონისძიებები რიგ შემთხვევებში იდენტურია და არ არის გამყარებული საჭიროებათა კვლევის შედეგებით.
|
