კატეგორია: გენდერი მსოფლიოში 2018-04-24
დღეს, პირველად დიდი ბრიტანეთის ისტორიაში, ლონდონის ცენტრალურ მოედანზე პარლამენტის შენობის წინ, სუფრაჟისტების მოძრაობის ლიდერის მილისენტ ფოსეტის ქანდაკება გაიხსნა. მისი შემქმნელია ქალი სკულპტორი ჯილიან ვერინგი.
გახსნის ცერემონია მიეძღვნა ბრიტანეთში ქალებისთვის საარჩევნო უფლების მინიჭების100-ს წლის თავს.
მილისენტ ფოსეტი 20-ე საუკუნეში ინგლისის ქალთა მოძრაობის ერთ-ერთი ლიდერი იყო, რომელიც ქალებისთვის საარჩევნო უფლების მინიჭებას მოითხოვდა. ძეგლზე გამოსახულია მოწოდება: „სიმამაცე მოუწოდებს გამბედაობისკენ ყველგან“ - რომელიც მილისენტ ფოსეტის ცნობილი გამოსვლიდან ამოღებული ფრაზაა.
ლონდონის ცენტრში ქალის ქანდაკების დადგამს თითქმის ერთ წლიანი კამპანია უძღვოდა წინ. შეიქმნა ონლაინ პეტიციაც, რომელმაც 85 000 ხელმომწერი გააერთიანა. კამპანიას განსაკუთრებული მხარდაჭერა ლონდონის მერმა სადიქ ხანმა გამოუცხადა. მისი აზრით ეს მნიშვნელოვანი მოვლენა იქნება სუფრაჟისტი ქალების მოძრაობის დაწყებიდან 100 წლის თავზე.
მილისენტ ფოსეტის ქანდაკების დადგმას მხარი დაუჭირეს ქვეყნის პრემიერმა ტერეზა მეიმ, მწერალმა ჯოან როულინგმა, სხვა გამოჩენილმა პოლიტიკოსმა და კულტურის მოღვაწემ ბრიტანეთში.
|