კატეგორია: ტრეფიკინგი 
2018-04-25
სერიალი „სმოლვილის საიდუმლოებები“ - ს ვარსკვლავი ელისონ მეკი დააპატიმრეს. მას ადამიანით ვაჭრობა და ქალების სექსუალურ ექსპლუატაციაში ჩაბმა ედება ბრალად, რომელსაც ის ორგანიზაცია Nexium-ის ფარგლებში ანხორციელებდა. ვარსკვლავი დანაშაულს არ აღიარებს და აცხადებს, რომ თვითონ იყო მონა.
ორგანიზაციის დამფუძნებელია კიტ რანიე, რომელმაც ორგანიზაციის შიგნით საიდუმლო საზოგადოება შექმნა. ამ საზოგადოების წევრ-ქალებს უნდა შეესრულებინა რანიეს ნებისმიერი "ბრძანება", ასევე მათ აიძულებდნენ რანიესთან სქესობრივ კავშირს.
პოლიციის ინფორმაციით, ელისონ მეკი იყო საზოგადოების ერთ-ერთი ლიდერი და ეხმარებოდა რანიეს ახალი წევრების მოზიდვაში.
შეგახსენებთ, რომ კიტ რანიე მარტის ბოლოს დააპატიმრეს, როდესაც ის მექსიკაში ცდილობდა გაქცევას. მეკს და რანიეს ქალების სექსუალური ექსპლუატაცია, შეთქმულება სექსუალური ექსპლუატაციისა და შრომითი ექსპლუატაცის მიზნით ედებათ ბრალად, რისთვისაც მათ 15 წლამდე თავისუფლების აღკვეთა ემუქრებათ.
|
