აშშ-ს პირველი ლედი, მელანია ტრამპი ახალ კამპანიას იწყებს, რომელიც ბავშვებისთვის სოციალური, ემოციური და ფიზიკური ჯანმრთელობის მნიშვნელობის სწავლებას ისახავს მიზნად.
პროგრამა "იყავი უკეთესი" (Be Best) მიმართული იქნება ჯანსაღი ცხოვრების წესის განვითარებაზე, სოციალური ქსელების სათანადო გამოყენებასა და ოპიაიდების ბოროტად გამოყენებასთან ბრძოლაზე.
"ჩვენი თაობის მორალური ვალდებულებაა ამ ინიციატივის განვითარება და ჩვენი შვილების დახმარება", - თქვა პირველმა ლედიმ.
„ყველამ ვიცით, რომ სოციალური მედია შესაძლოა ორივე სახის გავლენის მქონე იყოს ჩვენს ბავშვებზე, მაგრამ უმეტესად ისინი ამას ნეგატიური გზით აკეთებენ“, – განაცხადა მელანია ტრამპმა.
"ისინი ჩვენი მომავალია", - განაცხადა მან, "მე მინდა, დავიცვა ჩვენი საზოგადოების ყველაზე ძვირფასი ნაწილი - ჩვენი შვილები".
ეს განცხადება მელანია ტრამპმა თეთრი სახლის ვარდების ბაღში გააკეთა.
მანამდე აშშ-ს პირველი ლედი ამბობდა, რომ კიბერბულინგის წინააღმდეგ მუშაობას გეგმავდა და მოუწოდა ყველას სოციალურ ქსელებში ისეთი ღირებულებების განვითარებისკენ, როგორიცაა ურთიერთდახმარება, სიკეთე, თანაგრძნობა და პატივისცემა.
თუმცა, კრიტიკოსებმა უკვე დასვეს კითხვა შეასრულებს თუ არა მეუღლის რჩევას დონალდ ტრამპი, განსაკუთრებით მაშინ, როდესაც ის აქტიურად იყენებს სოციალურ ქსელებს.