კატეგორია: ქალი და კულტურა 2018-05-14
ისრაელის წარმომადგენელი, 25 წლის ნეტა ბარზილაი მუსიკალური კონკურსის, „ევროვიზია 2018“-ის გამარჯვებული გახდა, რომელიც წელს ლისაბონში გაიმართა. ბარზილაიმ შეასრულა სიმღერა სახელწოდებით "Toy", რომელიც მოძრაობა #MeToo–ს მიერ შთაგონებულია და "ძლიერი სიგნალი"გახდა სექსუალური შევიწროვებისა და ძალადობის წინააღმდეგ ბრძოლაში. უბრალო მოტივის მიუხედავად, კომპოზიციას ღრმა შინაარსი გააჩნია: ყველა ადამიანი ლამაზია და დისკრიმინაცია დაუშვებელია. ამის შესახებ Daily Mirror–ი იუწყება.
თავად ბარზილაი აცხადებს, რომ მისი სიმღერა "ფერადი და მხიარული" ფორმით "ქალთა ძალისა და სოციალური სამართლიანობის გამოღვიძებაზე" მოგვითხრობს.
სიმღერის კლიპი 23 მილიონჯერ ნახეს — ეს „ევროვიზიის“ რეკორდი გახდა, ასეთი პოპულარული კონკურსის მონაწილის არც ერთი ვიდეო არ ყოფილა.
ნეტა ბარზელაის გამარჯვების წყალობით 2019 წლის „ევროვიზია“ ისრაელში ჩატარდება. კონკრეტულ ქალაქს ევროპის სამაუწყებლო კავშირი გამოაცხადებს, თუმცა ნეტამ საკუთარი პოზიციის დაფიქსირება მოასწრო: მან ყველა იერუსალიმში მიიწვია. ნეტას გამარჯვება ისრაელისთვის კონკურსში მონაწილეობის 45 წლის განმავლობაში მეოთხე გახდა.
ნეტა ბარზელაი — ისრაელის სამხედრო-საზღვაო ფლოტის ოფიცერია. მართალია, ის ორკესტრში მსახურობდა, თუმცა სამხედრო წოდება დამსახურებულად მიიღო.
|