12 მაისს კანის კინოფესტივალის ჟიურის თავმჯდომარემ, ქეით ბლანშეტმა, ჟიურის სხვა წევრებმა და კინოს სფეროში მოღვაზე ქალებმა მთელი მსოფლიოდან კანის კინოფესტივალში ისტორიული, ქალების მარში მოაწყვეს.
კანის 71-წლიან ისტორიაში ეს იყო პირველი შემთხვევა, როდესაც 82-მა ქალმა წითელ ხალიჩაზე გენდერული თანასწორობის მოთხოვნით გაიარა. სიმბოლურია ციფრი 82, რომელიც წარმოადგენს კანის ფესტივალის არსებობის ისტორიაში, ქალი რეჟისორების მიერ შექმნილი იმ ფილმების რაოდენობას, რომლებიც კონკურსში მოხვდნენ. აღსანიშნავია რომ იგივე პატივი 1645 კაც რეჟისორს აქვს მიღებული.
ქალებმა გააპროტესტეს ყველა სახის დისკრიმინაცია და სქესის ნიშნით სეგრეგაცია.
Palais des Festival-ის კიბეებზე, ფესტივალის ჟიურის პრეზიდენტმა, ქეით ბლანშეტმა და ლეგენდარულმა 89 წლის რეჟისორმა აგნეს ვარდამ, რომელიც ერთ-ერთია იმ ორ ქალს შორის, რომელსაც მიღებული აქვს Palme d’Or-ის პრიზი, განცხადება გააჟღერეს:
„მიუხედავად იმისა, რომ მსოფლიოში ქალები არ წარმოადგენენ უმცირესობას, კინო ინდუსტრიის დღევანდელი სახე ჩვენ მაინც ასე წარმოგვაჩენს“
ქალების პროტესტმა შედეგი გამოიღო. კინოფესტივალის პროგრამის დირექტორმა ტიერი ფრემომ ხელი მოაწერა დოკუმენტს, რომელიც ფილმების შერჩევისას გენდერული პარიტეტის ვალდებულებას ითვალისწინებს.
ფესტივალის ორგანიზატორები იმედს გამოთქვამენ, რომ შესაბამის დოკემენტს ასევე სხვა საერთაშორისო კინოფესტივალები მიიღებენ.