კატეგორია: გენდერი მსოფლიოში 2018-05-24
44 წლის სტეისი ადამსი შესაძლოა გახდეს აშშ–ს პირველი აფროამერიკელი ქალი–გუბერნატორი. მისი კანდიდატურა შტატ ჯორჯიაში დემოკრატიულმა პარტიამ წარადგინა. შიდა პარტიულ არჩევნებში ადამსმა სტეისი ევანსი დაამარცხა.
სტეისი ადამსი შტატის წარმომადგენელთა პალატაში უმცირესობის ლიდერია. მას მხარი ქალთა ასოციაციებმა, ასევე ყოფილმა პრეზიდენტობის კანდიდატებმა ჰილარი კლინტონმა და ბერნი სანდერსმა დაუჭირეს. ადამსის მთავარი სტრატეგია ეფუძნება დიალოგს უმცირესობებთან, პირველ რიგში სოფლად.
იმისათვის, რომ გუბერნატორი გახდეს, ადამსმა უნდა დაამარცხოს რესპუბლიკელების კანდიდატი, რომლის ვინაობაც ივლისში გახდება ცნობილი.
ნებისმიერ შემთხვევაში, ის უკვე ისტორიაში შევიდა, როგორც პირველი ქალი აფროამერიკელი, რომელიც კენჭს იყრის გუბერნატორის პოსტზე. აღსანიშნავია, რომ 2000 წლიდან ჯორჯიაში საგუბერნატორო არჩევნებში მუდმივად რესპუბლიკელები იმარჯვებენ.
|