ირლანდიაში ეროვნულ რეფერენდუმში მონაწილეთა 66.4%-მა აბორტების სრულ ლეგალიზაციას მხარი დაუჭირა (ანუ 1.4 მილიონი ადამიანი), 33.6% (დაახლოებით 723 ათასი ამომრჩეველი) კი წინააღმდეგი იყო. ამის შესახებ ტელეარხი ABC News-ი იტყობინება.
აბორტის ლეგალიზაციის მხარდამჭერებმა ქვეყნის ყველა ქალაქში ხმთა უმრავლესობა მოიპოვეს, გარდა ირლანდიის ჩრდილოეთით დონეგალიის დასახლებისა, სადაც რეფერენდუმის მონაწილეთა 51.87% აბორტის წინააღმდეგი იყო. აბორტის მხარდამჭერთა ყველაზე მაღალი პროცენტული მაჩვენებლები დუბლინიდან 11 კმ-ის დაშორებით, დუნ ლაარის გარეუბნებში დაფიქსირდა, სადაც აბორტების ლეგალიზებას მხარი გამოკითხულთა 77.06% -ს დაუჭირა.
ირლანდიის პრემიერმინისტრი ლეო ვარადკარი კენჭისყრის შედეგებს მიესალმა.
"ხალხმა თქვა: გვსურს თანამედროვე კონსტიტუცია თანამედროვე ქვეყნისთვის. ჩვენ ვენდობით ქალებს და პატივს ვცემთ მათ უფლებას, რომ სწორი გადაწყვეტილება მიიღონ და სწორი არჩევანი გააკეთონ თავიანთი სამედიცინო მომსახურებით ", - წერს ის Twitter- ის გვერდზე.
აბორტი ირლანდიაში 1983 წელს აიკრძალა. მას შემდეგ ადგილობრივ კონსტიტუციაში შესწორება შევიდა ძალაში, სადაც აღნიშნულია, რომ დედას და ახალშობილს "სიცოცხლის თანაბარი უფლება აქვთ". თუმცა, 2013 წელს ირლანდიაში აბორტი ნაწილობრივ დაკანონდა - ირლანდიის ხელისუფლებამ მხოლოდ სამედიცინო მიზეზებით განხორციელება დაუშვა- თუ ორსულობა ქალის სიცოცხლეს და ჯანმრთელობას საფრთხეს უქმნიდა. ირლანდიის კათოლიკური ეკლესია შესწორების გაუქმებას ეწინააღმდეგება.
