დანიის პარლამენტმა აკრძალა თავსაბურავების ტარება, რომელიც ფარავს სახეს (ბურკა და ნიკაბი) ყველა საზოგადოებრივ ადგილებში, მათ შორის საბავშვო ბაღებში, სკოლებსა და უნივერსიტეტებში. კანონპროექტს 75–მა დეპუტატმა დაუჭირა მხარი, ხოლო წინააღმდეგ 30 გამოვიდა.
აკრძალვა ძალაში 1 აგვისტოს შევა. კანონის თანახმად, ქალებს და ბავშვებს, რომლებიც საჯარო ადგილებში ბურკაში და ნიკაბში გამოჩნდებიან, 1000 კრონით დაჯარიმდებიან.
დანიის მთავრობა ხაზს უსვამს, რომ აკრძალვა არ არის მიმართული რომელიმე რელიგიის წინააღმდეგ, ასევე განმარტავს, რომ ჰიჯაბზე ან სხვა რელიგიურ ტანსაცმელზე კანონი არ გავრცელდება.
თავის მხრივ, კანონპროექტის ოპონენტები აღნიშნავენ, რომ აკრძალვები მხოლოდ მუსულმანი ქალების ტანსაცმლზე ვრცელდება.
აკრძალვები ბურკასა და ნიკაბზე მოქმედებს რამდენიმე ევროპულ ქვეყანაში, მათ შორის საფრანგეთში, ჰოლანდიაში, ავსტრიაში, ბულგარეთში და ბელგიაში.
