ყოფილ სექს-მუშაკს კატრინ ჰილის, რომელიც ახალ ზელანდიაში პროსტიტუციის დეკრიმინალიზაციასთან დაკავშირებული კამპანიის ერთ–ერთი ლიდერი იყო, რაინდის წოდება მიანიჭეს.
ის დაჯილდოვებულია ქვეყნის წინაშე განსაკუთრებული ღვაწლისა და წარმატებებისთვის, რომელიც მის პროფესიულ საქმიანობაში იყო მიღწეული.
1980-იან წლებში კატრინ ჰილი სკოლის მასწავლებლად მუშაობდა, შემდეგ კი სექს– მუშაკი გახდა. კატრინის განაცხადებით, ის გაოცებული იყო იმით, რომ სექს– მუშაკებს კანონმდებლობით არანაირი უფლებები არ გააჩნდათ მის ქვეყანაში.
1987 წელს კატრინ ჰილიმ შექმნა ორგანიზაცია სახელწოდებით "New Zealand Prostitutes Collective" (NZPC), რომელიც სექს– მუშაკთა უფლებებს იცავდა.
NZPC–ის წევრები მონაწილეობდნენ პროსტიტუციის დეკრიმინალიზაციის კანონპროექტის შემუშავებაში, რომელიც 2003 წელს იქნა მიღებული და ჰილი კოორდინაციას უწევდა სამუშაო ჯგუფის მუშაობას. რეფორმის შემდეგ, ახალ ზელანდიაში ბორდელები ლეგალური გახდა. კანონის თანახმად, სექს– მუშაკებზე ვრცელდება ყველა ის უფლებები და უსაფრთხოების წესები სამუშაო ადგილებზე, რაც ქვეყანაში შრომითი კანონმდებლობით არის განსაზღვრული.
კეტრინ ჰილი ამბობს, რომ რაინდის წოდება ძალიან მნიშვნელოვანია მისთვის, მაგრამ აღნიშნავს, რომ სექს– მუშაკთა უფლებების დაცვის კუთხით მუშაობა ჯერ არ დასრულებულა.
"ვფიქრობ, რომ დანარჩენი ქვეყნები ახალი ზელანდიის მაგალითს უნდა მიჰყვნენ: ჩვენ არ უნდა ვუარყოფდეთ სექს–მუშაკებს და მათი მუშაობა კიდევ უფრო უსაფთხო უნდა გავხადოთ", - განაცხადა ჰილიმ.
ახალ ზელანდიაში რაინდის წოდებას დედოფალი ელისაბედ II პრემიერ-მინისტრის რეკომენდაციის საფუძველზე ამტკიცებს.
