ესპანეთის ახალმა პრემიერ-მინისტრმა, პედრო სანჩესმა მინისტრთა კაბინეტში 17-დან 11 თნამდებობაზე ქალი კანდიდატი წარადგინა.
პედრო სანჩესმა შესაბამისი სია დასამტკიცებლად ქვეყნის მონარქს, ფილიპ VI-ს წარუდგინა.
როგორც ცნობილია, მთავრობაში მეორე ადგილს კარმენ კალვო დაიკავებს. მას ვიცე-პრემიერის პოსტი ერგო.
ქვეყნის უმაღლეს საგარეო უწყებას ევროპარლამენტის ყოფილი თავმჯდომარე, ჟოზეფ ბორელი უხელმძღვანელებს.
თავდაცვის მინისტრის სავარძელს მარგარეტ რობლესი დაიკავეს.
შინაგან საქმეთა მინისტრის პოსტი ფერნანდო გრანდე-მარკასკას ერგო. რაც შეეხება ეკონომიკის სამინისტროს, მას ნადია კალბინიო უხელმძღვანელებს.
ესპანეთის ახალი მთავრობის წარმომადგენლებმა ფიცი 7 ივნისს, დილის 10:00 სთ-ზე უნდა დადონ. მეორე დღეს კი ახალი შემადგენლობის მინისტრთა საბჭოს პირველი სხდომა გაიმართება.
პირველ ივნისს ესპანეთის უმაღლეს საკანონმდებლო ორგანოში მარიანო რახოის უნდობლობა გამოუცხადა.
პრემიერ-მინისტრის წინააღმდეგ ხმა 176-მა დეპუტატმა მისცა. რახოი თანამდებობიდან გადადგა. მის ადგილას კი კანონმდებელთა უმრავლესობის გადაწყვეტილებით პედრო სანჩესი დაინიშნა.
