კატეგორია: გენდერული პოლიტიკა 
2018-06-15
14 ივნისს გაიმართა ახალქალაქის მუნიციპალიტეტის საკრებულოს სხდომა, რომელზედაც ერთ–ერთ საკითხად განიხილეს და დაამტკიცეს მუნიციპალიტეტის 2018-2019 წლების გენდერული თანასწორობის სამოქმედო გეგმა
მუნიციპალიტეტში, გენდერული თანასწორობის საბჭო შეიქმნა მიმდინარე წლის თებერვალში.
შეგახსენებთ, რომ ქალთა საინფორმაციო ცენტრი გენდერული პოლიტიკის გაძლიერებისა და ადგილობრივ დონეზე გენდერული ინსტიტუციური მექანიზმების ჩამოყალიბების მიზნით, აქტიურად თანამშრომლობს ახალქალაქის საკრებულოსთან და მერიასთან.
გენდერული თანასწორობის სამოქმედო გეგმის შემუშავების პროცესში ქალთა საინფორმაციო ცენტრი გერმანიის თანამშრომლობის საზოგადოების (GIZ) მხარდაჭერით კონსულტაციებს უწევდა მუნიციპალიტეტს, რის შედეგადაც შემუშავდა და დამტკიცდა ახალქალაქის მუნიციპალიტეტის 2018-2019 წლების გენდერული თანასწორობის სამოქმედო გეგმა.
|
