ზუგდიდში, იუსტიციის სახლის მიმდებარედ, პარკში, ძმამ 35 წლის და დანით დაჭრა. ქალს ჭრილობები მხრის და გულ-მკერდის არეში აღენიშნება. ის სასწრაფო სამედიცინო დახმარების ბრიგადამ ზუგდიდის რეფერალურ საავადმყოფოში გადაიყვანა.
როგორც საავადმყოფოში განაცხადეს, დაშავებულის მდგომარეობა დამაკმაყოფილებელია და დაკვირვების მიზნით, საავადმყოფოში რჩება.
რაც შეეხება დამნაშავეს, მან შემთხვევის ადგილიდან მიმალვა სცადა, თუმცა სამართალდამცველებმა მისი აყვანა ცხელ კვალზე მოახერხეს.
შინაგან საქმეთა სამინისტროში მომხდართან დაკავშირებით გამოძიება დაწყებულია 11 პრიმა 117 მუხლით, რაც ოჯახში ძალადობით გამოწვეულ ჯანმრთელობის მძიმე დაზიანებას გულისხმობს. ბრალის დამტკიცების შემთხვევაში მოძალადეს 3 დან 6 წლამდე თავისუფლების აღკვეთა ემუქრება.
