უკრაინის ოპოზიციური პარტიის ბატკივშინას ლიდერი, იულია ტიმოშენკო 2019 წელს უკრაინის საპრეზიდენტო არჩევნებში მიიღებს მონაწილეობას. ინფორმაციას Unian ავრცელებს.
ტიმოშენკოს თქმით, საპრეზიდენტო არჩევნებში მონაწილეობს არა იმისათვის, რომ "ავტორიტარიზმი დაამარცხონ", არამედ იმისათვის, რომ რეფერენდუმით უკრაინის ახალი კონსტიტუცია მიიღონ.
"აუცილებელია ძალაუფლების დემონოპოლიზირება. ერთი მხრივ, სტრატეგიის აღსრულების მხრივ გავხადოთ უფრო ძლიერი და, მეორე მხრივ, საზოგადოების კონტროლის ქვეშ კარგად დავაბალანსოთ", - განაცხადა ტიმოშენკომ.
იულია ტიმოშენკო უკრაინაში ნარინჯისფერი რევოლუციის ერთ-ერთი ლიდერი იყო. ტიმოშენკო არის უკრაინის პირველი და ჯერჯერობით ერთადერთი ქალი პრემიერ-მინისტრი.
2010 წლის საპრეზიდენტო არჩევნებშიც ტიმოშენკო ვიქტორ იანუკოვიჩთან დამარცხდა. ამის შემდეგ ტიმოშენკოს წინააღმდეგ რამდენიმე საქმე აღიძრა. 2011 წელს ის დააკავეს და შვიდწლიანი პატიმრობა მიუსაჯეს. ევროპის პარლამენტმა რამდენიმე რეზოლუციაში აღნიშნა, რომ ყოფილი პრემიერ-მინისტრი პოლიტპატიმარი იყო.
2014 წელს კი ხელისუფლების ცვლილების შემდეგ ტიმოშენკო საპატიმროდან გამოვიდა. ამავე წელს მას საპრეზიდენტო არჩევნებში მიიღო მონაწილეობა, სადაც ხმების 12,81 პროცენტით მეორე ადგილი დაიკავა.
