კატეგორია: გენდერული პოლიტიკა 2018-06-26
ახალციხეში და გურჯაანში მუნიციპალიტეტების საკრებულოს სხდომა გაიმართა.
სხდომებზე დეპუტატებმა ერთ–ერთ საკითხად განიხილეს და დაამტკიცეს მუნიციპალიტეტების გენდერული თანასწორობის სამოქმედო გეგმა.
ახალციხეში გენდერული თანასწორობის გეგმა 2018-2020 წლებზეა გათვალისწინებული, ხოლო გურჯაანის მუნიციპალიტეტის 2018-2019 წლებზე. აღსანიშნავია, რომ გურჯაანის მუნიციპალიტეტის სამოქმედო გეგმა ბიუჯეტით არის გამყარებული.
მუნიციპალიტეტებში, გენდერული თანასწორობის საბჭო შეიქმნა მიმდინარე წლის თებერვალში (გურჯაანი) და მარტში (ახალციხე).
შეგახსენებთ, რომ ქალთა საინფორმაციო ცენტრი გენდერული პოლიტიკის გაძლიერებისა და ადგილობრივ დონეზე გენდერული ინსტიტუციური მექანიზმების ჩამოყალიბების მიზნით, აქტიურად თანამშრომლობს ახალციხის და გურჯაანის საკრებულოსთან და მერიასთან.
გენდერული თანასწორობის სამოქმედო გეგმის შემუშავების პროცესში ქალთა საინფორმაციო ცენტრი გერმანიის თანამშრომლობის საზოგადოების (GIZ) მხარდაჭერით კონსულტაციებს უწევდა მუნიციპალიტეტებს, რის შედეგადაც შემუშავდა და დამტკიცდა მუნიციპალიტეტების გენდერული თანასწორობის სამოქმედო გეგმა.
|