კატეგორია: გენდერული პოლიტიკა 
2018-06-27
ზუგდიდის მუნიციპალიტეტის საკრებულოს სხდომათა დარბაზში ქალთა საინფორმაციო ცენტრის ორგანიზებით გაიმართა ტრენინგი „გენდერული თანასწორობა ადგილობრივ დონეზე“.
ქალთა საინფორმაციო ცენტრი მთელი ქვეყნის მასშტაბით მუშაობს თვითმმართველობებთან თანასწორობის პოლიტიკის ლოკალიზაციის მიმართულებით, ხელს უწყობს მუნიციპალიტეტებს და ეხმარება გენდერული თანასწორობის ინსტიტუციური მექანიზმის შექმნასა და და გენდერული თანასწორობის სამოქმედო გეგმის შემუშავებაში.
ტრენინგის მიზანია გენდერული თანასწორობის, ქალთა უფლებების, ქალთა მიმართ ძალადობის საკითხებზე ცნობიერების ამაღლება.
ღონისძიებას ზუგდიდის მუნიციპალიტეტის საკრებულოს წევრები, აპარატის თანამშრომლები და ადგილობრივი თვითმმართველობის სხვა წარმომადგენლები დაესწრნენ.
ღონისძიება გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის „გენდერული თანასწორობისთვის“ ფარგლებში ჩატარდა.
|
