კატეგორია: ეს საინტერესოა 
2018-07-03
ჟურნალ Time–მა ინტერნეტის 25 ყველაზე გავლენიანი ადამიანის წლიური რეიტინგი გამოქვეყნა.
ჟურნალნმა ინტერნეტ-გავლენა მათი გამომწერებისა და გამოხმაურებების რაოდენობით დაითვალა.
სიაში საუდის არაბეთის მკვიდრი, ბლოგერი და ქალთა უფლებების დამცველი ემან ალ-ნაფჯანი მოხვდა. 24 ივნისს სამეფოში, ქალებს საბოლოოდ მანქანის ტარების უფლება მისცეს, მაგრამ აქტივისტმა ეს დღე ციხეში აღნიშნა.
სიაში ასევე შევიდნენ ფილიპინელი ქალები, რომლებმაც ორგანიზება გაუწიეს ონლაინ მოძრაობას #BabaeAko პრეზიდენტ როდრიგო დუტერტის წინააღმდეგ. პრეზიდენტი არის ცნობილი თავისი სექსისტური განცხადებებით. ასევე, ფართოდ გავრცელდა ისტორია, როდესაც მან ოფიციალურ ღონისძიებაზე წიგნის გადაცემის ცერემონიალზე ქალი სცენაზე მიიწვია და ტუჩებში აკოცა.
აშშ-ში 2018 წელს ინტერნეტში დიდი გავლენა მოიპოვეს პარკლენდის სკოლის მოსწავლეებმა - ფლორიდაში სროლის დროს დაღუპული ბავშვების მეგობრებმა და თანაკლასელებმა. მათ ორგანიზება გაუწიეს მოძრაობას, რომელიც ქვეყნის მასშტაბით მასობრივ აქციებში გადაიზარდა. ჯგუფის მიზანია, ახალი კანონის მიღება, რომელიც იარაღის გაყიდვის კონტროლთან არის დაკავშირებული.
ერთადერთი პოლიტიკოსი, რომელიც ამ სიაშია, არის აშშ-ის პრეზიდენტი დონალდ ტრამპი, რომელიც Twitter-ის აქტიური მომხმარებელია და სოციალური ქსელის მეშვეობით ხშირად პოლიტიკურ ანონსებსა და განცხადებებს აკეთებს.
ასევე, სიაში მოხვდნენ მომღერლები: რიანა, რეპერი კანიე ვესტი, რომელმაც ამ წელს გადაწყვიტა სოციალურ ქსელში დაბრუნება და "ფილოსოფიური" რომანის წერა დაიწყო.
|
