კატეგორია: ტრეფიკინგი 
2018-07-05
ინდოეთში, ჯარხანდის შტატში მდებარე დედა ტერეზას თავშესაფრის თანამშრომელი ქალი 14 დღის ბავშვის გაყიდვისთვის დააკავეს. ამის შესახებ BBC წერს.
ბავშვი დაიბადა თავშესაფარში და მონაზვნებს ამის შესახებ უნდა ეცნობათ შტატის ბავშვთა კეთილდღეობის კომიტეტისთვის, თუმცა მათ ეს არ გააკეთეს.
მოგვიანებით, კომიტეტმა შეიტყო, რომ ბავშვი 1–ელ მაისს დაიბადა და ორი კვირის შემდეგ გაიყიდა 1.2 ათასს რუპიად წყვილზე ინდოეთის სხვა შტატიდან. ორგანიზაციამ საჩივარი შეიტანა ბავშვებით ვაჭრობის ფაქტებზე.
პოლიციის ინფორმაციით, შესაძლოა, ახალშობილებით ვაჭრობის კიდევ 13 შემთხვევა დადგინდეს.
ინდოეთში ბავშვებით ვაჭრობა ერთ-ერთი გავრცელებული დანაშაულია. მიზეზი ქვეყანაში ბავშვების გაშვილებაზე მკაცრი პოლიტიკაა. უშვილო წყვილებს წლობით უწევთ ლოდინი.
მაგალითად, 2015-2016 წელს ინდოეთში მხოლოდ 3 011 ბავშვი გაშვილდა ლეგალურად, მაშინ, როცა საკუთარ რიგს 12 ათასი წყვილი ელის.
|
