კატეგორია: გენდერი მსოფლიოში 
2018-07-06
ირლანდიაში გაიმართება რეფერენდუმი, რომელიც მიზნად ისახავს კონსტიტუციის ერთ–ერთი მუხლის შეცვლას. მუხლი ავალდებულებს სახელმწიფოს "უზრუნველყოს სათანადო პირობები და მისცეს ქალებს შესაძლებლობა არ დასაქმდნენ, რათა უფრო მეტი დრო მიუძღვნან თავიანთი მოვალეობების შესრულებას ოჯახში".
ეს იქნება უკანასკნელი რეფერენდუმი ირლანდიის კონსერვატიული კონსტიტუციის განახლების პროცესში, რომელიც მიღებულ იქნა 1937 წელს.
"ირლანდიის კონსტიტუცია ოფიციალურად იქნა მიღებული 80 წლის წინ. ნათელია, რომ 41.2 მუხლი მოძველებულია და არ უნდა იყოს ჩვენს კონსტიტუციაში ", - განაცხადა ქვეყნის იუსტიციის მინისტრმა ჩარლი ფლანაგანმა.
"მუხლი არ პასუხობს ქვეყნის დღევანდელ მიზნებს, რომელიც რეალური გენდერული თანასწორობის მიღწევას გულისხმობს და არ უზრუნველყოფს ქალებისთვის რეალური არჩევანის გაკეთების პირობებს, თუ როგორ განკარგოს საკუთარი ცხოვრება", - განაცხადა მან.
ირლანდია დიდი ხნის მანწილზე ერთ-ერთი ყველაზე კონსერვატიული ქვეყანა იყო ევროპაში, თუმცა ბოლო ათწლეულებში ეს მდგომარეობა სწრაფად იცვლება. 2015 წლის რეფერენდუმის შემდეგ, ქვეყნის კონსტიტუციაში შევიდა მუხლი ჰომოსექსუალური ქორწინების შესახებ, 2018 წელს კი გაუქმდა მუხლი აბორტის აკრძალვის შესახებ.
რეფერენდუმი გაიმართება ირლანდიის საპრეზიდენტო არჩევნების დღეს, რომელიც ნოემბერში უნდა ჩატარდეს.
|
