კატეგორია: გენდერი მსოფლიოში 
2018-07-06
პირველად ქალწულობის შემოწმების შესახებ, რომელიც ქალთა ღირსების დამამცირებელ პრაკტიკას წარმოადგენს, მსოფლიომ Human Rights Watch–ის 2014 წლის კვლევის გამოქვეყნების შემდეგ შეიტყო.
ავღანეთში "ქალწულობის ტესტები" გამოიყენება ქალების წინააღმდეგ სისხლის სამართლის საქმეებში. ქალებს ბრალად ედებათ "მორალური დანაშაულების" ჩადენა, როგორიცაა სქესობრივი კავშირები ქორწინების გარეშე და სახლიდან გაქცევა.
შარშან, ქვეყნის პრეზიდენტმა, აშრაფ განიმ პირობა დადო, რომ ეს პრაქტიკა დასრულდებოდა, თუმცა HRW- ის თანახმად, 2017 წლის პირველ ნახევარში ავღანეთში 42 ასეთი შემთხვევა იყო დარეგისტრირებული. ამავდროულად, ორგანიზაციის შეფასებით, ადგილობრივი სასჯელაღსრულების დაწესებულებებში ქალების 50% და გოგონების 95% "მორალური დანაშაულისთვის" იხდის სასჯელს. სინამდვილეში, ისინი ადრეული ქორწინების ან გაუპატიურების თავიდან აცილების მცდელობისთვის არიან მსჯავდებულები.
როგორც უფლებადამცველები აცხადებენ, პირველ ეტაპზე მთავარია ამ ათასობით ქალის და გოგონას განთავისუფლება მოხდეს.
"ჩვენ არ ვიცით ტესტირების ჩატარების მერე რამდენი ქალი და გოგონა იყო მოკლული ან დასახიჩრებული ქორწინების შემდეგ, ქმრების და მათი ოჯახების მიერ. მაგრამ სამედიცინო დაწესებულებებში ქალწულობის ტესტირების პროცედურის აკრძალვის დანერგვა ამ ფენომენის წინააღმდეგ მნიშვნელოვანი ნაბიჯი იქნება ", - აცხადებენ არასამთავრობო ორგანიზაციის წარმომადგენლები.
|
