მთელს მსოფლიოში 130 მილიონზე მეტი გოგონა ვერ ახერხებს სრულფასოვანი საშუალო განათლების მიღებას, რის გამოც ქვეყნები 15–დან 30 ტრილიონ დოლარამდე კარგავენ ყოველწლიურად. ამის შესახებ ნათქვამია მსოფლიო ბანკის ანგარიშში: „Unrealized potential: the high cost of gender inequality in earnings“ ("არარეალიზებული პოტენციალი: შემოსავლების უთანასწორობის მაღალი ფასი"), რომელიც ეხება გოგონებში საშუალო განათლებაზე ხელმიუწვდომლობას.
"თუ მსოფლიოში ყველა გოგონამ 12 წლიანი განათლება მიიღო, მსოფლიო ეკონომიკის მთლიანმა მოგებამ დამატებით შეიძლება შეადგინოს 15–დან 30 ტრილიონ დოლარამდე წელიწადში," - ნათქვამია მოხსენებაში.
მსოფლიო ბანკის- ის მონაცემებით, მთელი მსოფლიოს მასშტაბით, განათლებას ვერ ღებულობს 132 მილიონი გოგონა, რომელთა ასაკი 6-დან 17 წლამდეა. საშუალოდ, მსოფლიოში გოგოების 89% ასრულებს დაწყებით სკოლას, 77% კი - საშუალოს.
ანგარიშში ასევე ნათქვამია, რომ საშუალო და უმაღლესი განათლების მქონე ქალებს, შესაბამისად ორჯერ და სამჯერ მაღალი შემოსავალი გააჩნიათ, ვიდრე ქალებს რომლებსაც განთლება არ მიუღიათ.
„საშუალო განათლების მქონე ქალები, შესაძლოა ნაკლებად გახდნენ ძალადობის მსხვერპლები მათი პარტნიორების მხრიდან, მათი შვილები კი ნაკლებად იშიმშილებენ და სავარაუდოთ განათლებასაც მიიღებენ“– ნათქვამია ანგარიშში.