ქალები უფრო კარგი მძღოლები არიან, ვიდრე კაცები. ამას მოწმობს დიდი ბრიტანეთის ავტომობილთა დაზღვევის კომპანიის კვლევა, რომელსაც საიტი Confused.com აქვეყნებს.
კვლევის თანახმად კაცები 4-ჯერ უფრო ხშირად არღვევენ მოძრაობის წესებს, ხოლო ერთ-ერთი სარისკო დარღვევის, ავტომობილის არაფხიზელ მდგომარეობაში მართვის მხრივ, განსხავება კიდევ უფრო დიდია - ხუთი ერთთან. დაუზღვეველი ავტომობილის მართვის მხრივ განსხვავება ბევრად ნაკლებია - ორი ერთთან.
კვლევის დროს გამოყენებული სტატისტიკური მონაცემების შედარებითმა ანალიზმა აჩვენა, რომ ქალები თითქმის ყველა მაჩვენებლის მხრივ ჯაბნიან კაცებს. ქალები, როგორც წესი, ბევრად უფრო დიდხანს სწავლობენ ავტომობილის მართვას, ვიდრე კაცები, მაგრამ შემდეგ ნაკლებად არღვევენ წესებს, ნაკლებად ხვდებიან ავარიებში და, შესაბამისად, მათზე სადაზღვევო კომპანიების მიერ გაცემული კომპენსაციების ოდენობაც ნაკლებია.
კვლევის თანახმად, 2017 წელს ინგლისში და უელსში 585 000 მძღოლი მიეცა სამართალში გზებზე მოძრაობის შესახებ კანონის დარღვევის გამო და მათი 79% კაცია. სწორედ ამის გამო, მიუხედავად იმისა, რომ ევროკავშირის წესებით აკრძალულია გენდერული ნიშნით კლიენტთა დაყოფა, ქალებს ავტოდაზღვევა 92 ფუნტი სტერლინგით ნაკლები უჯდებათ, ვიდრე კაცებს.
კვლევამ აჩვენა, რომ კაცები უფრო მიდრეკილები არიან მავნე ჩვევებისკენ, ვიდრე ქალები. მათი 23 % აღიარებს, რომ ზოლიდან ზოლში გადასვლის დროს არ rTavs მოხვევის მაჩვენებელს. ქალებში ასეთთა რაოდენობა 17%-ს შეადგენს.
შესაძლოა, სწორედ ქალების მიერ მოძრაობის წესების დაცვითაა განპირობებული, რომ მათ მგზავრობისას ერთი ადგილიდან მეორემდე მისვლაში უფრო მეტი დრო სჭირდებათ, ვიდრე კაცებს.
