კატეგორია: ეს საინტერესოა 2018-09-12
ტანზანიის პრეზიდენტმა, ჯონ მაგუფელიმ, ისაუბრა კონტრაცეპტივებზე და მათ გამოყენებაზე მასახლეობის მიერ.
აღმოსავლეთ აფრიკის ქვეყნის ლიდერის განცხადებით, კონტრაცეპტივებს ზარმაცი ადამიანები იყენებენ, რომლებსაც არ სურთ მუშაობა და დიდი ოჯახის შენახვა. თავის გამოსვლაში მან დასძინა, რომ ის ვინც კონტრაცეპტივების გამოყენებას უწევს პოპულარიზაციას ცუდი მრჩეველია. "თქვენ კარგი ფერმერები ხართ, თქვენ შეგიძლიათ შეინახოთ ოჯახები და გამოკვებოთ შვილები. რატომ მიმართავთ კონტრაცეპტივებს? "– განაცხადა მან.
როგორც Guardian–ი წერს, პრეზიდენტის სიტყვები კანონმდებლობაში ცვლილებებს არ ნიშნავს. თუმცა, აღინიშნა, რომ სახელმწიფოს მეთაურის განცხადება საკანონმდებლო ორგანოების წარმომადგენლებმა აღიქვეს, როგორც სახელმძღვანელო მოქმედებისთვის.
კანონის მიხედვით, ტანზანიაში ქალებს აქვთ ორსულობისგან დაცვის უფლება. გაეროს მონაცემებით, ქვეყანაში ქალების ერთი მესამედი ჩართულია ოჯახის დაგეგმარების პროცესში, თუმცა კონტრაცეპტივებზე ხელმისაწვდომობა სოფლად მცხოვრები ქალებისთვის ძალიან დაბალია. საშუალოდ, თითოეულ ტანზანიელ ქალს ხუთი შვილი ჰყავს.
ქალთა უფლებადამცველებმა აღშფოთება გამოთქვეს ტანზანიანის პრეზიდენტის განცხადების შემდეგ და აღნიშნეს, რომ ქვეყანაში შობადობაზე კონტროლი და ოჯახის დაგეგმარების ვალდებულებების უგულებელყოფა ქალთა უფლებებზე დამანგრეველ გავლენას იქონიებს: "ჩვენ დავამთავრებთ იმით, რომ ქალებს უზარმაზარი ოჯახები, უამრავი ბავშვები ეყოლებათ და ისინი ვერ შეძლებენ მათ გამოკვებას."
|