კატეგორია: გენდერული პოლიტიკა 
2018-10-04
ქალთა მოძრაობამ და ქალთა პოლიტიკური მონაწილეობის სამუშაო ჯგუფმა ყველაზე რეიტინგული, 5 პარტიის მიერ წარდგენილი საპრეზიდენტო კანდიდატი, ქალთა უფლებებზე სადისკუსიოდ მიიწვია.
ღონისძიებაზე მოწვეული 5 საპრეზიდენტო კანდიდატიდან შეხვედრას მხოლოდ ორი დაესწრო: დავით ბაქრაძე (ევროპული საქართველოს საპრეზიდენტო კანდიდატი) და დავით უსუფაშვილი (შენების მოძრაობის საპრეზიდენტო კანდიდატი)
ქალთა საკითხებზე გამართულ დისკუსიას არ ესწრებოდა ერთადერთი ქალი საპრეზიდენტო კანდიდატი - სალომე ზურაბიშვილი. ინფორმაციის თანახმად, ზურაბიშვილი საარჩევნო კამპანიის ფარგლებში კახეთში შეხვედრებს მართავს.
შეგახსენებთ, რომ “ქალთა მოძრაობამ” ჯერ კიდევ 21 სექტემბერს მიმართა საპრეზიდენტო კანდიდატებს, რომ 4 ოქტომბერს ეროვნულ ბიბლიოთეკაში დაგეგმილ შეხვედრაზე ქალთა საკითხებზე საკუთარი პოლიტიკური პროგრამა წარმოედგინათ.
|
