კატეგორია: ეს საინტერესოა 
2018-11-02
ამსტერდამის ხელისუფლება გეგმავს სექს-მუშაკების გადაყვანას ქალაქის ისტორიულ ცენტრში მდებარე ცნობილ "წითელი ფარნების კვარტალიდან ". ამის შესახებ წერს გაზეთი "გარდიანი".
ფემკე ხალსემა - ამსტერდამის პირველი ქალი მერი, ამ ინიციატივის განხორციელებას 2019 წელს გეგმავს.
ინიციატივა გულისხმობს პროსტიტუციის ლეგალიზაციას ქალაქის ისტორიული ცენტრის გარეთ. ასევე მომავალ წელს, მერს სურს გადაიტანოს დაწესებულებების ნაწილი სხვა რაიონში და გააუქმოს კვარტალში ვიტრინები.
პოლიტიკური პარტიების წარმომადგენლები, რომლებიც ქალაქის მმართველი კოალიციის წევრები არიან, აცხადებენ, რომ ქალები, რომლებიც ამ რაიონში მუშაობენ, ძალიან დაბალ ანაზღაურებას ღებულობენ და სულ უფრო ხშირად ძალადობისა და შეურაცხჰოფის მსხვერპლები ხდებიან.
როგორც ფემკე ხალსემამ აღნიშნა, მას სურს შეცვალოს ქუჩების იერსახე ქალაქის ცენტრში და სექს-მუშაკებს უსაფთხოების გარანტია მისცეს.
ჰოლანდიის მედია აღნიშნავს, რომ ამსტერდამში ტურისტები დიდი ხანია სარგებლობენ ესკორტის მომსახურებით და ამისთვის ინტერნეტს ან სასტუმროს იყენებენ, სადაც ისინი რჩებიან. ამიტომაც, დღის განმავლობაში, სტუმრების ნაკლებობის გამო „დე ვალენი“-ს კვარტალის მინის ფანჯრების უმეტესობა დახურულია.
წითელი ფარნების კვარტალი ქალაქის ერთ-ერთი უმნიშვნელოვანესი ღირსშესანიშნაობაა. კვარტალი „დე ვალენი“ ამსტერდამის ცენტრში მდებარეობს. აქ განლაგებულია თითქმის 300 ერთოთახიანი პატარა სახლი, რომლებსაც სექს-მუშაკები ქირაობენ და მომსახურებას მსურველებს მინის ფანჯრების მიღმა სთავაზობენ. ოთახები წითლად არის განათებული. ამ რაიონში განლაგებულია ეროტიკის და მარიხუანის მუზეუმები, ასევე შეხვდებით მრავალ სექს-მაღაზიებსაა და პორნო-თეატრებს.
|
