კატეგორია: ეს საინტერესოა 
2019-03-13
ქალთა საერთაშორისო დღესთან და ბერტა ბენცის დაბადებიდან 170 წლის იუბილესთან დაკავშირებით, კომპანია Mercedes-Benz-მა 4 წუთიანი ვიდეო გადაიღო. ის ეძღვნება პირველ ქალს, რომელმაც ავტომობილით მარტომ 106 კმ დაფარა.
ეს ამბავი 1888 წლის 5 აგვისტოს მოხდა. ბერტა ბენცი, მეუღლის მიერ გამოგონებული ავტომობილით მშობლების სახლში მიდიოდა, როდესაც ავტომობილი გაჩერდა. დახმარების სათხოვნელად, ქალი აფთიაქში შევიდა და ლიგროინი მოითხოვა.
ბერტა ბენცს იმ დღეს 12 საათი დასჭირდა 106 კილომეტრის გასავლელად. ეს მოგზაურობა ისტორიაში შევიდა, ბერტა ბენცმა კი საზოგადოებას ქმრის, კარლ ბენცის გამოგონება, Benz Patent Motor Car-ი გააცნო, რომელიც დღეს ერთ-ერთ ყველაზე ცნობილ ბრენდს წარმოადგენს.
ვიდეო Mercedes-Benz-მა სააგენტოსთან Antoni Garage-თან ერთად გადაიღო.
|
