Категория: Гендерная политика 
2019-03-19
სლოვაკეთში საპრეზიდენტო არჩევნების პირველ ტურში გამარჯვება იურისტმა და სამოქალაქო აქტივისტმა, 45 წლის ზუზანა ჩაპუტოვამ მოიპოვა.
ხმების 95%-ის დათვლის შედეგად ქვეყნის ახალი პრეზიდენტის ასარჩევად მეორე ტური გაიმართება. ზუზანა ჩაპუტოვას მეტოქე ევროკომისიის პრეზიდენტის ყოფილი მოადგილე, მაროში შეფჩოვიჩი იქნება.
საარჩევნო კომისიის მონაცემებით, ზუზანა ჩაპუტოვას ელექტორატის 40,53%-ი მიემხრო, ხოლო შეფჩოვიჩმა ხმების 18,66%-ი მიიღო.
საპრეზიდენტო არჩევნების მეორე ტური სლოვაკეთში 30 მარტს გაიმართება.
ჩაპუტოვა ერთ-ერთია იმ პოლიტიკოსებიდან, რომელიც სლოვაკეთში გამართულ მასობრივ ანტიკორუფციულ საპროტესტო აქციებში მონაწილეობდა.
4,4 მილიონია ამომრჩევლის მყოლ სლოვაკეთში არჩევნებში აქტივობა 48,4%-ით დაფიქსირდა. ჩეხეთისგან 1993 წელს გამოყოფილ სლოვაკეთში პრეზიდენტს ხალხი ირჩევს. მეორე ტურში გამარჯვებული კანდიდატი კი ქვეყნის მეხუთე პრეზიდენტი გახდება.
|
