კატეგორია: გენდერული პოლიტიკა 2019-03-20
გლობალური მასშტაბით ქალი მინისტრების რიცხვმა რეკორდს მიაღწია. ამის შესახებ ნათქვამია გამოცემაში "Women in Politics: 2019", რომელიც პარლამენტთაშორისი კავშირის (Inter Parliamentary Union) და გაეროს ქალთა ორგანიზაციის თანამშრომლობით მომზადდა.
პუბლიკაციაში აღნიშნულია, რომ მსოფლიოში 3,922 მინისტრიდან 812 ქალია, რაც 2017 წლის მონაცემებს 2,4%-ით აღემატება.
იზრდება ქალ დეპუტატთა რაოდენობაც, თუმცა უფრო მოკრძალებული ტემპებით. დღეს ეს მაჩვენებელი 1%-ით მეტია, ვიდრე ერთი წლის წინ და 24,3% შეადგენს.
ინტერაქტიური რუკის "Women in Politics: 2019" პრეზენტაცია შედგა გაეროს შტაბ-ბინაში ნიუ-იორკში, სადაც ქალთა სტატუსის კომისიის 63-ე სესია მიმდინარეობს.
ანგარიშის მიხედვით, 2017 წელთან შედარებით პარლამენტის ქალი სპიკერების რაოდენობა 0.5% -ით გაიზარდა, თუმცა შემცირდა ქალი ქვეყნის ხელმძღვანელების რაოდენობა. ეს მაჩვენებელი 2017 -2018 წლების პერიოდში 7.2%-დან 6.6%-დე შემცირდა.
ყოფილი საბჭოთა კავშირის ქვეყნებს შორის, ქალი მინისტრების რაოდენობის თვალსაზრისით, ლიდერობენ: ლატვია, მოლდოვა და ესტონეთი. ამ ქვეყნებში ქალები მინისტრთა კაბინეტების ერთ მეოთხედს წარმოადგენენ. საქართველოში ეს მაჩვენებელი 27%, უკრაინაში კი 20% შეადგენს. ასეთივე მაჩვენებელია დიდ ბრიტანეთსა და აშშ-ი.
პოსტსაბჭოთა რეგიონის დანარჩენ ქვეყნებში, მათ შორის რუსეთში, ქალი მინისტრების რაოდენობა 15% -ზე ნაკლებია. აზერბაიჯანსა და ლიტვაში 22 და 13 კაციან მინისტრთა კაბინეტებში არც ერთი ქალი არ არის წარმოდგენილი.
ანგარიშის ავტორებმა გაითვალისწინეს არა მხოლოდ რაოდენობრივი მოჩვენებლები, არამედ აღნიშნეს, თუ რომელ სფეროებში არიან დანიშნული ქალი მინისტრები. ამ თვალსაზრისით წელს თავდაცვის სამინისტროების ხელმძღვანელად 30% -ზე მეტი ქალი დაინიშნა, ვიდრე ერთი წლის წინ; ფინანსთა სამინისტროებში 53% -ით მეტი, ხოლო საგარეო საქმეთა უწყების ხელმძღვანელებს შორის, ქალთა რაოდენობა 13, 6%-ით გაიზარდა.
|