კატეგორია: გენდერული პოლიტიკა 
2019-04-03
2 აპრილს, ჩიკაგოში გამართულ მერის არჩევნებში გამარჯვება 56 წლის ადვოკატმა, დემოკრატიული პარტიის წევრმა, ლორი ლაითფუტმა მოიპოვა. იგი გახდა პირველი აფრომერიკელი ქალი, რომელიც ამ თანამდებობას დაიკავებს.
ლაითფუტმა ხმათა 74% დააგროვა. ლაითფუტის კონკურენტმა, ასევე აფროამერიკელმა და დემოკრატიული პარტიის წარმომადგენელმა, ტონი პრეკვინკლმა, უკვე აღიარა თავისი დამარცხება და მეტოქეს გამარჯვება მიულოცა.
ლორი ლაითფუტი ჩიკაგოს ქუჩებში კორუფციისა და ძალადობის აღმოფხვრას აპირებს, საცხოვრებელი პირობების გაუმჯობესებას რაიონებში, სადაც აფროამერიკელები ცხოვრობენ. მისი პროგრამის კიდევ ერთი მნიშვნელოვანი ნაწილი პოლიციის სისასტიკესთან ბრძოლაა.
|
