კატეგორია: გენდერი კავკასიაში 
2019-04-22
2006 წელს ნარგიზ ჯინჭარაძემ „დასჯად“ მიიღო ქობულეთის მეხუთე სკოლის დირექტორის მოვალეობის შემსრულებლად დანიშვნა. სკოლა გარეუბანში მდებარეობს, სადაც ძალიან ბევრი სოციალურად დაუცველი, მათ შორის ბოშების ოჯახი ცხოვრობს.
წლების წინ ქობულეთში ბოშები სკოლებში თითქმის არ დადიოდნენ. ნარგიზ ჯინჭარაძემ წუხილი მაშინ იგრძნო, როცა ბოშა ბავშვებმა ერთ დღეს ქუჩაში გააჩერეს და უთხრეს: „ჩვენც გვინდა სწავლა“. ნარგიზმა მიზნად დაისახა ბოშა ბავშვების სკოლაში მიყვანა. ამბობს, რომ ამ პროცესში გულწრფელობამ უშველა, რასაც განსაკუთრებით აფასებენ ბოშები. ქობულეთში სულ 220 ბოშა ცხოვრობს, ხოლო მეხუთე საჯარო სკოლაში დღეს 75 ბოშა მოსწავლეა.
ნარგიზ ჯინჭარაძეს მიაჩნდა, რომ 10 წელი სრულიად საკმარისი იქნებოდა იმისთვის, რომ ყველა ბოშას სკოლაში ევლო და წარმატებული ბოშა მოსწავლეებიც ჰყოლოდა. თუმცა დღეს აცხადებს, რომ ეს პროცესი ჯერ არ დასრულებულა და ბევრი გამოწვევების წინაშე დგას.
2014 წელს სახალხო დამცველთან არსებული ტოლერანტობის ცენტრის რელიგიათა საბჭომ ნარგიზ ჯინჭარაძე ტოლერანტობის ქომაგის ტიტულით დააჯილდოვა.
მოუსმინეთ ნარგიზ ჯინჭარაძეს პირად ისტორიას და გაიგეთ მისი გამოცდილების შესახებ, თუ როგორ მიიღო ბოშა ბავშვები სკოლაში, რა გამოწვევების წინაშე დადგა და რა ისწავლა ამის შედეგად:
|
