კატეგორია: გენდერი კავკასიაში 
2019-05-16
ქართული ოცნების საერთაშორისო მდივანი, თამარ ჩუგოშვილი ზუგდიდის საკრებულოს თავმჯდომარის მოადგილის, თაზო ფაცაციას სექსისტურ განცხადებას ემიჯნება. ამის შესახებ ინფორმაციას On.ge ავრცელებს.
ჩუგოშვილმა განაცხადა, რომ ფაცაციას განცხადება სექსისტურიც არის და შეურაცხმყოფელიც.
"ყოვლად მიუღებელია ჩემთვის ასეთი კომენტარი. წაშალა, როგორც ვიცი, მაგრამ ეს არ არის საკმარისი. არ შეიძლება პოლიტიკური პროცესი ასეთ ბინძურ კომენტარებში გადავიდეს, მით უმეტეს რომ ქალები ხდებიან ასეთი კომენტარების ობიექტები. მეც გამომიცდია და ყოვლად მიუღებელია ჩემთვის", — თქვა ჩუგოშვილმა.
ზუგდიდის საკრებულოს თავმჯდომარის მოადგილე თაზო ფაცაციამ ნაციონალური მოძრაობის დეპუტატი თინა ბოკუჩავა სექსისტურ და შეურაცხმყოფელ კონტექსტსში მოიხსენია.
"თინაბოკუჩავა ისეთი განათლებული ვარო, მიშამ პირდაპირ პარლამენტში "დამამთავრებინა" ბოდიში გამათავებინაო უნივერსიტეტიო", - დაწერა ფაცაციამ ფეისბუქზე.
მას შემდეგ, რაც ეს სოციალური ქსელით გავრცელდა, პოსტი აღარ იძებნება.
ამასთან, საკრებულოს თავმჯდომარის მოადგილე სექსისტურ გამონათქვამს იყენებს საკრებულოში ენმ-ის წევრის, ანი წითლიძის მიმართაც.
"Ani Tsitlidze განა ყველაფრის თქმა შეიძლება რაც ენაზე მოგადგება, გოგო ხარ თუ ალქაჯი ვერ გავიგე. ზონდერი ვარ რომელზეც ჭკუა გეკეტება", - წერს თაზო ფაცაცია.
ეს პოსტი მას ამ დრომდე არ წაუშლია.
|
