ახლად არჩეულმა დემოკრატმა კონგრესმენმა ქალებმა აშშ-ის პრეზიდენტის დონალდ ტრამპის რასისტულ განცხადებას პრესკონფერენციაზე უპასუხეს და მისი .
კონგრესმენები ამერიკელებს მოუწოდებენ, „ანკესზე არ წამოეგონ“.
ისინი აცხადებენ, რომ პრეზიდენტის სიტყვებს ყურადღება არ უნდა მიაქციონ და ფოკუსირება სხვა მნიშვნელოვან, პოლიტიკურ საკითხებზე უნდა მოხდეს.
აიანა პრესლის თქმით, პრეზიდენტის მიზანი მათი მარგინალიზაცია და გაჩუმება იყო.
„ჩვენ მხოლოდ ოთხნი არ ვართ. ჩვენ დიდი გუნდი ვართ და ის მოიცავს ყველა ადამიანს, რომელსაც სამართლიანი მსოფლიო სურს“, - თქვა პრესლიმ.
აშშ-ის პრეზიდენტი დონალდ ტრამპი რასიზმში მას შემდეგ დაადანაშაულეს, რაც Twitter-ზე ახლად არჩეული დემოკრატი კოგრესმენი ქალების წინააღმდეგ პოსტი გამოაქვეყნა.
ტრამპმა კონკრეტული სახელები არ დაასახელა, თუმცა არსებული ინფორმაციით ის მიმართავდა ალექსანდრია ოკასიო-კორტეზს, რაშიდა ტლაიბს და აიანა პრესლის, რომლებიც აშშ-ში დაიბადნენ. კიდევ ერთი კონგრესმენი - ქალი ილჰან ომარი სომალიში დაიბადა და აშშ-ი ოჯახთან ერთად 1997 წელს ჩამოვიდა საცხოვრებლად.
