კატეგორია: მოვლენები 2019-09-04
აშშ-ს პრეზიდენტმა დონალდ ტრამპმა მნიშვნელოვან ადმინისტრაციულ თანამდებობებზე კანდიდატები წარადგინა.
დასახელებულ კანდიდატებს შორისაა კელი დეგნანი, რომელიც წარდგენილია ამერიკის შეერთებული შტატების საგანგებო და სრულუფლებიან ელჩად საქართველოში. ინფორმაციას თეთრი სახლის პრესსამსახური ავრცელებს.
კელი დეგნანი ამჟამად ევროპასა და აფრიკაში აშშ-ს სამხედრო საზღვაო ძალების სარდლის პოლიტიკური მრჩეველია. მანამდე ის კოსოვოსა და იტალიაში აშშ-ს დიპლომატიური მისიის ხელმძღვანელის მოადგილედ მუშაობდა. ასევე, ნატოში აშშ-ს წარმომადგელობაში იყო პოლიტიკური მრჩეველი და თურქეთში აშშ-ს საელჩოში პოლიტიკური მრჩეველის მოადგილე.
აშშ-ს ელჩის მოვალეობას ამ დრომდე ელიზაბეთ რუდი ასრულებს. ელჩ იან კელის უფლებამოსილების ვადა 2018 წლის მარტში ამოეწურა, მას შემდეგ, უკვე წელიწადზე მეტია აშშ-ს საქართველოში ელჩი არ ჰყავს.
|