კატეგორია: გენდერი მსოფლიოში 2019-09-11
ირანში, ქალი, რომელიც ინტერნეტში "ლურჯ გოგონად" მონათლეს, სასამართლო დარბაზში თვითმკვლელობის მცდელობის შემდეგ, საავადმყოფოში გარდაიცვალა.
30 წლის საჰარ ჰოდაიარი (Sahar Khodayari), პოლიციამ მარტში დააკავა, როდესაც ის კაცის ტანსაცმელში გადაცმული ცდილობდა საფეხბუთო კლუბის "ეშტეგლალის" მატჩზე შეღწევას. პოლიციამ ჰოდაიარი 3 დღით დააპატიმრა, თუმცა ის გირაოთი გაათავისუფლეს.
გასულ კვირას, სასამართლო სხდომაზე, ჰოდაიარს აცნობეს, რომ მას ექვსი თვიდან ორ წლამდე პატიმრობა ემუქრება. ამის შემდეგ მან სასამართლოს დარბაზში თავის დაწვა სცადა, რის შედეგადაც თეირანის ერთ-ერთ საავადმყოფოში გარდაიცვალა.
ჰოდაიარის დაღუპვამ ინტერნეტში პროტესტის დიდი ტალღა გამოიწვია. ბევრმა FIFA– ს ხელმძღვანელობას მიმართა და მოითხოვა, რომ ირანს საერთაშორისო შეჯიბრებებში მონაწილეობის მიღება აეკრძალოს, გულშემატკივრებს კი მატჩების ბოიკოტისკენ მოუწოდეს.
ყოფილი „ბავარიის“ ფეხბურთელი და ირანის ეროვნული ნაკრების ლეგენდა ალი ქარიმი საფეხბურთო მატჩებზე ქალების დასწრების აკრძალვის წინააღმდეგ გამოვიდა და თანამემამულეებს, ჰოდაიარის გარდაცვალების გამო პროტესტის ნიშნად, მატჩების ბოიკოტისკენ მოუწოდა.
1979 წლის რევოლუციის შემდეგ, ირანში ქალებს საფეხბურთო მატჩებზე დასწრება აეკრძალათ, თუმცა ამას ბევრი არ შეუშინდა და სხვადასხვა ხერხებით ცდილობს სატიონზე შეღწევას.
2018 წელს, ფიფას პრეზიდენტის - ჯანი ინფანტინოს თეირანში ვიზიტისას, 35 ქალი დააკავეს, რომლებიც პერსპოლისი - ეშტეგლალის მატჩზე შეპარვას ცდილობდნენ.
|