გერმანიაში ჯერ კიდევ არ არსებობს კანონი, რომელიც კრძალავს ქალებისთვის კაბის ქვეშ ფარულად ფოტოსა და ვიდეოს გადაღებას (აპსკერტინგი (ინგლ. upskirting –“კაბის აწევა”). დამნაშავედ ითვლება მხოლოდ ის პირი, რომელიც ასეთ სურათებს ან ვიდეოებს ავრცელებს.
ორმა გოგონამ სამხრეთ გერმანიის ქალაქ ლუდვიგსბურგიდან, რომელთაგან ერთი ორჯერ გახდა აპსკერტინგის მსხვერპლი, გადაწყვიტა აქტიურად გაუმკლავდეს ამ პრობლემას.
მათ წამოიწყეს ფართომასშტაბიანი კამპანია აპსკერტინგის წინააღმდეგ, რომლის ფარგლებში შეიქმნა პეტიცია ახალი კანონმდებლობის მიღების მოთხოვნით. პეტიციამ დიდი რეზონანსი გამოიწვია საზოგადოებაში და მას უკვე 90,000-ზე მეტმა ადამიანმა მოაწერა ხელი.
გერმანიის იუსტიციის მინისტრმა კრისტინ ლამბრეხტმა (Christine Lambrecht) განაცხადა, რომ მისმა უწყებამ უკვე დაიწყო კანონპროექტზე მუშაობა.
აპსკერტინგი გახდა სერიოზული პრობლემა განსაკუთრებით სმარტფონების გამოჩენის შემდეგ. სწორედ ამიტომაც უკვე რამდნიმე ქვეყნაში შესაბამისი მუხლები კანონში უკვე მიიღეს, თუმცა ასეთი ქვეყნების რაოდენობა ჯერჯერობით ძალზე მცირეა.
მაგალითად, ავსტრალიაში, აშშ-ი, ინდოეთში, ფინეთში, ახალ ზელანდიაში, შოტლანდიაში და საფრანგეთში, აპსკერტინგის მსხვერპლი კანონით არის დაცული.
2019 წელს, ონლაინ პეტიციის გამოქვეყნების შემდეგ, ბრიტანეთის პარლამენტმა მიიღო ახალი კანონი, რომლის მიხედვითაც ინგლისში და უელსში აპსკერტინგი დასჯადი გახდა.
დოკუმენტის თანახმად "ოპერირებული მოწყობილობით" სხვა ადამიანის ტანსაცმლის ქვეშ გენიტალიების, უკანალის ან ქვედა საცვლის ფოტო/ვიდეო გადაღება აღიარებულია, როგორც ვუაიერიზმის ნაირსახეობად და ისჯება ჯარიმით ან პატიმრობით ორი წლის ვადით.
