Категория: Гендерная политика 
2019-09-18
ევროპარლამენტმა ევროპის ცენტრალური ბანკის ხელმძღვანელის პოსტზე კრისტინ ლაგარდის კანდიდატურას დაუჭირა მხარი. ამის შესახებ ინფორმაციას Anadolu Agency ავრცელებს.
ლაგარდს ხმა 394-მა ევროპარლამენტარმა მისცა, წინააღმდეგ 206 დეპუტატი წავიდა, 49 დეპუტატმა კი თავი შეიკავა.
ამასთან აღსანიშნავია, რომ ევროდეპუტატების მხარდაჭერა სარეკომენდაციო ხასიათისაა. ლაგარდი თანამდებობაზე ევროკავშირის 27 წევრმა სახელმწიფომაც უნდა დაამტკიცოს. ამ შემთხვევაში ლაგარდი ახალ თანამდებობაზე მოვალეობის შესრულებას 1 ნოემბრიდან შეუდგება.
კრისტინ ლაგარდის ევროპის ცენტრალური ბანკის ხელმძღვანელის თანამდებობაზე წარდგენამდე საერთაშორისო სავალუტო ფონდის დირექტორის პოსტი 2011 წლიდან ეკავა და სექტემბერში დატოვა.
|
