ყოველწლიურად მსოფლიოში 2.8 მილიონი ორსული ქალი და ახალშობილი იღუპება. ამის შესახებ ნათქვამია მსოფლიო ჯანდაცვის ორგანიზაციისა (WHO) და UNICEF-ის ანგარიშში.
”ქალები და ახალშობილები ყველაზე დაუცველები არიან მშობიარობისას და შემდგომ პერიოდში. წელიწადში, იღუპება 2.8 მილიონი ორსული და ახალშობილი ანუ ყოველ 11 წამში ერთხელ. ამის ძირითადი მიზეზი კი არასათანადო ან დაგვიანებული სამედიცინო მომსახურეობაა” - ნათქვამია კვლევაში.
რისკის ქვეშ ასევე უფროსი ასაკის ბავშვებიც არიან. 2018 წელს მსოფლიოში გარდაიცვალა 15 წლამდე 6,2 მილიონი ბავშვი, აქედან დაახლოებით 5,3 მილიონი ცხოვრების პირველი 5 წლის განმავლობაში. 2017 წელს, ორსულობისა და მშობიარობის დროს გართულებების შედეგად 290 ათასზე მეტი ქალი გარდაიცვალა.
როგორც აღინიშნულია ანგარიშში, მიუხედავად მიღწეული პროგრესისა და მსოფლიოში ბავშვთა სიკვდილიანობის შემცირებისა, ბავშვის გარდაცვალების საფრთხე დაბადებისთანავე ან ცხოვრების პირველ წლებში კვლავ საკმაოდ მაღალი რჩება.
ამავე დროს, მსოფლიო ჯანდაცვის ორგანიზაცია აღნიშნავს, რომ 2000 წლიდან ბავშვთა სიკვდილიანობა მსოფლიოში 50% შემცირდა, ხოლო დედათა სიკვდილიანობა ერთი მესამედით.